त्रिविविया निर्णय मवःतले अनसन त्वाःथले मखु : प्रा.डा. के.सी.
त्रिविवि चिकित्साशास्त्र अध्ययन संस्थान शिक्षण अस्पतालया प्रा.डा. गोविन्द के.सी.या आमरण अनसनया ऐक्यवद्धतायासें बुधवाः नं देशभरिया हे अस्पतालया सेवा प्रभावित जुयाच्वंगु दु । सोमवाः अदालतं सेवा सुचारु या धइगु आदेशया पालना यासें मंगलवाः वीर अस्पतालं धाःसा थःपिंसं अस्पताल कम्पाउण्ड दुने मेच टेबल तया सेवा ब्यूगु खः ।
मन्त्रीपरिषद्या नायः व त्रिविविया कूलपति खिलराज रेग्मीं न्हूम्ह नियुक्तजुयादीम्ह डिन डा.शशी शर्माया नियुक्ति खारेज यायेत उजं बी धुनागु दु धासें अनसन त्वाः थलेत इनाप यानादीगु खःसां अनसन च्वनाच्वंम्ह केसीं धाःसा रेग्मीया खँय् अझं विश्वास मयासें त्रिविविं आधिकारिक निर्णय मयाःतले जि सी माःसा नं थ्व अनसन त्वाःथले मखु धकाः लिसः ब्यूगु दु ।
मन्त्रीपरिषद्या नायः रेग्मीया उजंयात कयाः त्रिविवि कार्यकारी परिषद्या मुँज्या च्वनाच्वंगु दुसा मंगलवाः शिक्षण अस्पतालया निर्देशक डा भगवान कोइरालासहित सच्छिम्हेसिया ल्याखय् चिकित्सकपिंसं मंकाः राजिनामा ब्यूगु खः ।
News Location:
