चिनियाँ न्हूदँया लसताय् येँय् सांस्कृतिक ज्याझ्वः
चिनियाँ न्हूदँ छुन्चेया लसताय् सोमवाः येँय् छगू सांस्कृतिक ज्याझ्वः जुल । अरनिको समाजया ग्वसलाय् जूगु ज्याझ्वलय् नेपाः व चीनया कलाकारतय्सं सांस्कृतिक ज्याझ्वः न्ह्यब्वःगु खः ।
ज्याझ्वलय् संस्कृति व पयर्टन मन्त्री रामकुमार श्रेष्ठं नेपाः व चीनया दथुइया स्वापुया इतिहास ताःहाकः जूगु धयादिसें सांस्कृतिक नापं मेमेगू पक्षय् नेपाः व चीनं कालबिल यानाः स्वापुयात अझ तब्याकाः येंकमाःगु धयादिल ।
अथेहे नेपाःया निंतिं चीनया राजदुत उचुनताइं वंगु दच्छि नेपाः व चीन दथुइया स्वापु असाधारन दँ जूगु धयादिसें थुगु दँय् यक्व ख्यलय् नेपाः व चीन दथुइ गतिविधि जूगु धयादिल । वय्कलं नेपाःया निंतिं मोहनी तःधंगु नखः जूथें चीनया नंतिं छुन्चे तसकं तःधंगु नखः जूगु धयादिल ।
ज्याझ्वलय् अरनिको समाजया नायः सर्वत्तम श्रेष्ठं समाजया न्हूगु कार्यकाल वयेधुंकाः याःगु ज्याझ्वःया व भावी योजनाया बारे कनादिल ।
थुगुसी चिनियाँ न्हूदँ छुन्चे जनवरी ३१ तारिख कुन्हु ला । थुगुसी सर्प दँ फुना सलः दँय् वनेत्यंगु खः ।
