व्यवस्थापिका संसदया अधिवेशन माघ १२ गते च्वनीगु
चुनाव जूगु ७ वाः लिपा न्हापांखुसी व्यवस्थापिका संसदया अधिवेशन च्वनीगु जूगु दु । राष्ट्रपति रामवरण यादवं व्यवस्थापिका संसदया अधिवेशन थ्वहे वइगु माघ १२ गते न्हिनसिया ३ ताःइलय् च्वनेकथं सःताःदीगु दु । राष्ट्रपतिं अन्तरिम संविधान २०६३ या धारा ५१ या उपधारा १ बमोजिम मन्त्रिपरिषद्या नायःया सिफारिसय् न्हू बानेश्वरय् च्वंगु अन्तराष्ट्रिय सम्मेलन केन्द्रय् थ्व अधिवेशन सःतादीगु राष्ट्रपतिया ज्याकुथिं जारी याःगु विज्ञप्तिइ न्ह्यथनातःगु खः ।
थ्व स्वयां न्ह्यः अधिवेशन सःतेया लागि सरकारं सिफारिस याःगु खः । आइतवाः न्हिनय् हे उगु सिफारिस ज्वनां मन्त्रिपरिषद्या नायः खिलराज रेग्मी, कानुनमन्त्री हरि न्यौपाने व मुख्यसचिव लीलामणि पौडेल राष्ट्रपति ज्याकू शीतल निवास थ्यंकूगु खः ।
News Location:
