उदाय् म्युजियम उलेज्या क्वचाल

उदाय् समाजया म्हसिका बिइगु कथं उदाय् म्युजियम उलेज्या बुधवाः क्वचाःगु दु ।

उदाय् छेँ असंनय् जुगू उगु ज्याझ्वलय् मुपाहाँ कथं ब्वति कयादिम्ह नेपालभासा एकेडेमिया चान्सलर डा सत्यमोहन जोशीं उदाय‍्तय्गु सम्पदा, सभ्यता, संस्कृति व इतिहास म्वकातेगु निंतिं थुगू उदाय् म्युजियम दक्लय न्हापाःगु पला जुइफइगु खँ कनादिल । नापं थुगू म्युजियमयात तब्याला
यायेत नं इनाप यानाः दिल ।

उदाय‍्तय्गु पुर्खा यानाः वयाच्वंगु लजगाःया म्हसिका बिइगु व जिवन दर्शन क्यने कथं दयेकाःतगु उगु म्युजियमया उलेज्या मुपाहाँ जोशीं व उदाय् समाजया संरक्षक भाजु कुलबीर सिंह कसाकार व द्रव्यमनसिं तुलाधरपिंनिं पाखें यानाः दिगु खः ।

ज्याझ्वः उदाय् समाजया नायः भाजु रुपज्योती कसाःया नायःसुइ न्ह्याःगु ज्याझ्वलय् लसकुश न्वचु डा. सुमन कमल तुलाधरपाखें बियादिगु खः ।