काठमाडौं घोषणापत्र जारी यासें क्वचाल काठमाडौं सांस्कृतिक फोरम
दक्षिण एशियाया देय्त व चीन दथुइ सांस्कृतिक स्वापु क्वातुकेगु ताःतयाः ग्वसाःग्वःगु काठमाडौं सांस्कृतिक फोरम काठमाडौं घोषणापत्र जारी यासें क्वचाल ।
चिनियाँ सांस्कृतिक उत्थान समाज व अरनिको समाजया ग्वसालय् व चिनियाँं परराष्ट्र मन्त्रालयया ग्वाहालिइ जूगु ज्याझ्वलय् थीथी देय्या प्रतिनिधिपिसं ‘भूमण्डलिकरणया सन्दर्भय् सांस्कृतिक सम्प्रभूसत्ता व विकास’या विषयस ज्यापौ न्ह्यब्वःगु खः । उगु ज्याझ्वलय् नेपाःपाखें प्राध्यापक अभि सुवेदी व प्रेम खत्रीं ज्यापौ न्ह्यब्वयादीगु खः ।
येँया याक एण्ड यति होटलय् शनिवाः न्हिच्छि जूगु ज्याझ्वःया उलेज्या संस्कृति व पर्यटन मन्त्री रामकुमार श्रेष्ठ, चीनया उपसंस्कृति मन्त्री दिङ वे व नेपाःया निंतिं चीनया राजदुत ऊ चुनताइं मंकाः कथं त्वादेवाय् मतः च्याकाः यानादीगु खः ।
उगु फोरमय् नेपाः नापं भारत, चीन, बांलादेश, पाकिस्तान, श्रीलंका व माल्दिभ्सया यानाः २५म्ह प्रतिनिधिपिसं ब्वति काःगु खः ।
