इराकय् कार बम विष्फोटनय् लानाः स्वीनिम्ह मनूत सित

इराकया दक्षिणी लागाय् थौं जूगु छगः कार बम विष्फोटनय् लानाः स्वीनिम्ह मनूत सीगु दु । उगु घटनाय् लानाः पीम्ह स्वयां अप्वः मनूत घाःपाः जूगु दुसा सीपिं मध्ये आपालं मिसा व मस्त लाःगु जानकारी ब्यूगु दु ।

इराकया राजधानी बग्दादपाखें स्वसः व नीगू किलोमिटर दक्षिणपूर्वय् लाःगु तसकं व्यस्त शहर बथाय् दिकातःगु छगः कारय् उगु बम सुनां त्वःताः विष्फोट याकूगु खः धइगु सिइमदुनिगु बीबीसीं जानकारी ब्यूगु दु । घटनाय् सीपिनिगु ल्याः अझ अप्वयेफुगु धाःगु दुसा उगु शहरय् थ्व स्वयां न्ह्यः नं सिया मुसलमानं हिंसा न्यंकेगु थाय्सा रुपं बय्बय् जूगु थाय् खः ।

More Stories Like this