राजनीतिक दलतय् घोषणापत्र व नेवाः दृष्टिकोण

संविधानसभाया निक्वःगु निर्वाचनयात कयाः थीथी राजनीतिक दलतय्सं न्ह्यब्वःगु राजनीतिक घोषणापत्रयात कयाः थन छगू ज्याझ्वः जुल । नेवाः स्वायत्त राज्य मंकाः संघर्ष समिति ग्वसाःग्वःगु विशेष यानाः न्यागू राजनीतिक दलया घोषणापत्रयात कयाः विश्लेषण जूगु खः ।

येँया नेपाः बैंक्वयेटय् जूगु ज्याझ्वलय् मंकाः संघर्ष समितिया सचिवालय कजि मल्ल के. सुन्दरं एनेकपा माओवादी, नेपाली कांग्रेस, नेकपा एमाले, संघीय समाजवादी व नेपाः पार्टीया घोषणापत्रयात कयाः विश्लेषण यानादीगु खः ।

मंकाः संघर्ष समितिया नायः बाबुराजा वज्राचार्यया सभापतित्वय् जूगु ज्याझ्वलय् न्यागस् राजनीतिक दलया घोषणापत्रय् दुथ्याःगु राष्ट्रियता व राष्ट्रवाद, स्वायत्तता व स्वशासन, संघीय व्यवस्था, पहिचान, राज्य पुनर्संरचना, न्यायलय, शासकीय स्वरूप, प्रतिनिधित्व, अधिकारया प्रत्यायोवन आदि विषययात कयाः मल्लं विश्लेषण यानादीगु खः ।

वय्कलं उगु ज्याझ्वलय् यानादीगु विश्लेषणयात क्वये न्ह्यथनातःगु लिंकय् क्लिक यानाः ब्वनादीफइ ।
ज्यापौ डाउनलोड यायेत थन क्लिक यानादिसँ

More Stories Like this