आम हड्ताल यथावत जुइगु माओवादीपाखें स्पष्ट

नेकपा–माओवादी नेतृत्वया स्वीस्वंगू दलीय मोर्चां इनाप याःगु वइगु २५ गतेनिसेंया झिन्हुया नेपाल बन्द याइगु जूगु दु ।

नेकपा–माओवादीया प्रवत्ता पम्फा भुषालं थौं छगू बिज्ञप्ती पिथनाः आम हड्ताल दिकीगु धकाः गुलिखय् सञ्चार माध्यमं बुखँ सम्प्रेषण याःगु न्ह्यःथना पार्टीया गम्भीर ध्यानाकर्षण जूगु जानकारी ब्यूगु खः ।

थःपिंसं वार्तापाखें समस्या समाधान यायेत स्वःसां नं प्यंगू दल बिदेशी शक्ति व उकिया आदेशपाखें न्ह्याःगुलिं सहलह लिच्वलय् थ्यनेमफुगु जानकारी ब्यूगु खः ।

राष्ट्र बिरोधी व चौचित्यहीन निर्वाचनं देय्यात निकाश मबीगु न्ह्यःथना वय्कलं बहिस्कार आन्दोलन निरन्तर न्ह्यःने न्ह्यानाच्वनीगु वय्कलं स्पष्ट यानादीगु खः ।