हाइकुया सैद्धान्तिक ख्यलय् तिबः
इन्द्र माली
डा.मोहनहिमांशु थापां नेपालभाषाय् भाय् हिइका पिहांवःगु न्हू जापानी हाइकु नेपाल संवत् ११०९ दँय् पिदंगु हाइकुया सफुलिं झीगु भाषाय् हाइकु दुचायेकेत आपालं ग्वाहालि जूवंगु तथ्ययात अस्वीकार याये थाकुइ । छगू कथं हाइकु ह्यमिपिनिगु निंतिं थ्व छगू लिधंसा हे जुल । थ्वया लिपा नेपाल संवत् ११२० दँय् हाइकु कवि बिमल ताम्राकारयागु हाइकु गथे च्वयेगु ? पिदन । हाइकु थुइकेत थुगु कुतः साप हे चीहाकः जूसां अति उपयोगी जूगु खनेदु ।
नेपाल संवत् ११२५ दँय् दया खड्गी ''बेचैन'', दिलबहादुर चित्रकार व नरेन्द्र श्रेष्ठपिनिगु मंकाः कुतलं नेवाः हाइकु मुना पिदन । हाइकु लागाय् थ्व छगू घटना धाःसा द्धपं जुइमखु । नेपालभाषा काव्य साहित्यय् गाजलं दागु याचा न्हूगु कविता आन्दोलनया लागि गुकथं कोसल्वहं साबित जुल । अज्याःगु हे थाय् झीगु हाइकु साहित्यय् थुगु मुनापाखे योगदान जूवंगु दु । थुकिया लागिं सम्पादकपिनिगु साहसयात च्वछायेबह जू । थुगु मुना पिदनेधुंका आपासित हाइकु ख्यलय् नुगः क्वसायेके फूगु थुगु मुनाया छगू सफलता खः । नेपाल संवत् ११२६ दँय् बिमल ताम्राकारयागु हाइकु गथे जुयेमाः नांयागु मेगु चीसफू पिदन । थुगु सफुलिइ नं हाइकु ह्यःमिपिनिगु लागि कोरोपायरिनया ज्या बिल । नापं थी थी पिदंगु हाइकुया सफुलिइ हाइकुसम्बन्धी थम्हं थूकथं बिचाः प्रतिपादन यायेगु ज्या व भूमिकापाखे नं हाइकुया विकासया निंतिं खने दयेक मदयेक ग्वाहालिया ज्वलं जूवंगु दु । आः वया हाइकु धायेवं ५-७-५ या सूत्रात्मक धायेगु छगू मन्तुना सा फुक्कस्यां नुगलय् स्वनेधुंकूगु दु । खःला थुलि हे हाइकु थुइकेत पर्याप्त जुइधुंकूगुलिं थन लिसा कायेगु ज्या मयाये ।
किपा : अनिक शाक्य
Related Stories
नेपालभाषायात नेवारभाषा गुबले निसें धाल ? हाइकुया तत्व हाइकुया तत्व व नेवाः हाइजिनपिं पृष्ठभूमिMore Stories Like this
हाइकुया तत्व हाइकुया तत्व व नेवाः हाइजिनपिं पृष्ठभूमि ग्लेमरस तीज नयेगु मखुला कागति अचार? ह्यापी फ्रेन्डशीप डे!
