मत पत्र छपाई दिकेत सर्वोच्चय् रिट दायर

मतपत्र छापय् यायेगु ज्या दिकेत माग याना सर्वोच्च अदालतय् रिट दायर जूगु दु ।

मत पत्रय् नो भोट अर्थात् सु नं उम्मेदवारयात मत बीमखु धइगु बिकल्प तयेमाःगु माग याना अधिवक्ता स्वागत नेपाल व अपराध लिसे आतंकवाद विरुद्ध अभियान नाक्याब नेपालया नायः भाइराजा राईं मंकाः रुपं सर्वोच्चय् थ्व रिट निवेदन दायर यानादीगु खः ।

वय्कःपिंसं मतपत्रय् मत बीमखु धइगु व्यवस्था दयेमाःगु माग यानादीगु खः । रिटयात अदालतं ०३२२६ ल्याःसं दर्ता याःगु दु । वंगु महिना जक भारतय् अनया अदालतं मतपत्रय् नो भोट अर्थात् जि छु नं उम्मेदवारयात मत बीमखु धइगु व्यवस्था याःगु खः ।