मुग्लिङ्गय् बस दुर्घटना, न्याम्ह सित

पृथ्वी राजमार्ग अन्तर्गत चितवनया मुग्लिङ्ग खण्डय् थौं सुथय् जूगु बस दुर्घटनाय् म्होनिं न्याम्ह मनूत सीगु दु ।

धरानपाखें येँ वयाच्वंगु बा. २ ख ९८८७ ल्याःया बस मुग्लिङ्गलिक्क चण्डीभञ्ज्याङ्ग गाविसया खहरे खुसिइ कुतुवंगु खः । बस सतकपाखें थ्यंमथ्यं ख्वीगू फिट क्वय् कुतुवंगु खः । घटनाय् डेढ दर्जन स्वयाः आपालं मनूत घाःपाः जूगु खः ।
सीपिनिगु सनाखत मजूनीगु प्रहरीं जानकारी ब्यूगु खः ।

घाःपाः जूपिंत वासः यायेगु नितिं भरतपुर व कुरिनटार यंकूगु उद्दारय् न्ह्यःज्यानाच्वंपिं सशस्त्र प्रहरीं जानकारी ब्यूगु खः । बसय् मेमेपिं यात्रुत नं दयेफुगु सम्भावना दुगुलिं घाःपाः जूपिं व सीपिनिगु ल्याः अझ नं अप्वयेफुगु प्रहरीं जानकारी ब्यूगु दु । प्रहरीया कथं उद्दार ज्या न्ह्यानाच्वंगु दु ।