क्रियात्मक ढंगं आन्दोलन शसक्त यायेगु निर्णय
वइगु मंसिर ४ गतेया निर्वाचनयात बहिष्कारया घोषणा याःगु नेकपा–माओवादी नेतृत्वया स्वीस्वंगू दलीय मोर्चां बहिष्कारया आन्दोलनयात थप सशक्त याइगु जूगु दु ।
मोर्चाया थौं च्वंगु बैठकं वइगु निर्वाचनयात ताःमलाकेत आः क्रियात्मक ढंगं आन्दोलनयात शसक्त यायेगु निर्णय याःगु मोर्चाया दुजः क्रान्तिकारी कम्युनिष्ट पार्टीया मूछ्याञ्जे मणि थापां जानकारी बियादीगु दु ।
प्यंगू दलया उच्च नेतातय्त जिल्लाय् दुमकायेगु व उमित चुनाव प्रचार याके मबीगु वय्कलं जानकारी बियादीगु दु । स्वीस्वंगू दलिय मोर्चाया जिल्ला व क्षेत्रीय स्तरय् संगठन बिस्तार याना आन्दोलन प्रभावकारी याकेगु स्वीस्वंगू दलिय मोर्चां जानकारी ब्यूगु खः ।
अथेहे स्वीस्वंगू दलं आः निर्वाचन प्रचार लगायतया ज्याय् छ्यला वयाच्वंगु भारतीय गाडीत दथुइ प्रतिबन्ध तइगु जूगु दु । नेपाली राष्ट्रियता दथुइ प्रभाव लाकेगु कथं दलालतय्सं भारतीय गाडी छ्यःगु न्ह्यःथना थज्याःगु निर्णय याःगु श्रोतं दाबी याःगु दु ।
