दिपंखा यात्रा कौलाथ्वः पुन्हि निसें

धार्मिक सहिष्णुताया ज्वलन्त दसु व धार्मिक महापर्व कथं स्थापित जुयावयाच्वंगु यात्रा , दीपंखा यात्रा थ्वं हे वइगु नेपाल संवत ११३३ कौलाथ्वः पुन्हि शुक्रवाः कुन्हु निसें जुइगु जुगू दु ।

पुन्हि कुन्हु यलया ईतिलन्हे नागवहालं न्ह्याइगु थुगू यात्रा यल व येँया थीथी देवदेवी, देवालय, शिवालय, मठ, मन्दिर, बौद्ध चैत्य, विहारत चाहिका प्रतिपदा कुन्हु यलया महालक्ष्मी वया क्वचाइ । अनुमानित ६६.५० किलोमिटर यात्रा यायेमाःगु थुगू यात्रा क्वचाकेत २८ घण्टा तक ई काइ ।

८दँ लिपा जुइत्यंगु थुगू दीपंखा यात्रायात ब्यवस्थित यायेत व समन्वयात्मक कथं क्वचाकेगु निंतिं यात्राया सुचं बिइगु ताःतुना आधिकारीक गुगल रोड म्याप, ब्यु होर्न नांया एप्लीकेशन, रुटया नक्शा व वेबशाइत तक दयेकेगु ज्या जुगू दु ।

अथेहे श्रद्धालु भक्तजनपिंत सेवा बिइगु हेतु व्यवस्थापन समिति नीस्वनेगु ज्या क्वचाके धुंकगु दु । दीपंखा व्यवस्थपन समिति पाखें थीथी ४६ थासें स्वास्थ्य, सौचालय, सुरक्षा निकाय, लः त्वःनेत बुथ ब्यवस्था यानाः तइगु खँ कनादिगु दु । नापं सुरक्षा व्यवस्थापन, ट्राफिक व्यवस्थापन व स्वास्थ्य व्यवस्थापन यायेत सम्बन्धिन आधिकारीक निकाय नापं सहलह जुइधुंकगु खँ नं कनादिगु दु । नापं यात्राया झ्वलय् १५०० निसें २००० तक स्वयं सेवक परिचालन जुइगु, स्काउट व रेडक्रस तक परिचालीत जुइ ।

More Stories Like this