अरनिको पत्रकार समाज नीस्वन
पत्रकारिताया माध्यमं नेपाः–चीन स्वापूया विविधि आयामयात विस्तार यायेगु ताःतुना नेपाःया थीथी सञ्चार माध्यमय् आवद्ध चीनमैत्री सञ्चारकर्मीतय्सं ‘अरनिको पत्रकार समाज’ तदर्थ समिति गठन याःगु दु ।
नेपाः–चीन स्वापूयात क्वतुइकेत ज्या यानाच्वंगु अरनिको समाजपाखें न्ह्याकाच्वंगु थीथी गतिविधिपाखें अभिप्रेरित जुयाः उगु पत्रकार समाज नीस्वंगु खः ।
पत्रकार विजयकृष्ण श्रेष्ठया संयोजकत्वय् नीस्वंगु समाजया तदर्थ समितिया सचिव कथं सुरेश मानन्धर च्वनादीगु दु । दुजःलय् सुजिव वज्राचार्य, विजयरत्न तुलाधर, रत्नकाजी महर्जन, दिरेकलाल श्रेष्ठ, रत्नकृष्ण श्रेष्ठ, हिमेश बज्राचार्य, अस्मित मल्ल, उमेश स्थापित, नरेन्द्र मानन्धर, रुपा महर्जन, राजु नापित व गणपतिलाल श्रेष्ठ च्वनादीगु दु ।
अथेहे सल्लाहकारय् पुष्करभक्त माथेमा व राकेश ताम्राकार च्वनादीगु दु ।
समितिं याकन हे नेपाः–चीन सुमधुर स्वापूयात वृहत्तर हितय् छ्यलेगु ताःतया थीथी ज्याझ्वः सार्वजनिक यायेगु खँ धाःगु दु ।
