निक्वःगु नेवाः संकिपा नखः न्ह्यात
निक्वःगु नेवाः संकिपा नखः सोमवाःनिसें न्ह्यात । प्रविधिया विकाय नाप नापं नेपालभासाया डवलि प्याखँ, ख्याल, लोप जुयावंगु हुनिं केलत्वालय् नेवाः संकिपा नखः न्ह्याःगु खः ।
मच्छिद्र क्लबया ग्वसालय् न्ह्याःगु थुगु नेवाः संकिपा नखः येँया जःछि छवाः तक न्ह्याइ । नखःलय् मू कथं नेपालभाषां पिथनातगु थीथी नेवाः संकिपा, म्येचा, भिडियो ब्वयातःगु दु ।
नेपालभाषा संकिपा म्वाकाः तयेगु व प्रवर्द्धन यायेगु ताःतुना जुइयाच्वंगु थुगु नेवाः संकिपा नखःया झ्वलय् छगू अक्षय कोष नीस्वनेगु ज्या नं जुगू दु । थुगू अक्षय कोषया ग्वाहालिइ नेवाः संकिपाकःमितय्त संकिपा दयेकेत माःगु प्राविधिक व मेमेगु ज्ञान बिइगु खँ मच्छिन्द्र क्लबया नायः जिवेन्द्रलाल कर्माचार्या धयादीगु दु ।
क्लबं निक्वःगु नेपालभासा संकिपा नखः ११३३ ताःलाकाः डिजितल दबू प्याखँ पाखें क्यने ज्या जुयाच्वंगु नेवाः भासा, साहित्य, कला, म्ये, संगीत च्वन्ह्याकेत ग्वाहालि यायेत इनाप नं याःगु दु ।
