थुगुसीया ५२ क्वःगु विराट सम्मेलन तचपाः त्वालय् जुइगु
Posted on Sat Sep 14, 2013 10:07 pm NST
दँय्दसं जुयाच्वंगु विराट नेपालभाषा साहित्य सम्मेलन थुगुसी ख्वपया तचपाः त्वालय् जुइगु जूगु दु । दँय्दसं मोहनी नखःया झा:लय् जुइगु थुगु सम्मेलन थुगुसीनं थ्वहे वइगु नेपाल संवत् ११३३ कौलाथ्व द्वादशी व त्रयोदशी कुन्हु निन्हुयंकं हे जुइगु खः ।
५१ दँ न्ह्यवनिसें मद्दिक्क न्ह्यानाच्वंगु थुगु सम्मेलन थुगुसी नं झःझः धायेक हनेया नितिं विराट गुथिया दुजः व भाषासेवि भाजु योगि स्यस्यःया कजिसुइ ग्वहालि पुचः नं नीस्वंगु दु । न्ह्याबलें थें थुगुसीया थुगु सम्मेलन नं सुथांलाक ताःलाकेया नितिं सकलसिनं थःथःगु च्वसु व ल्हापं विया ग्वहालि यानादीत ग्वसाखलकं इनाप याःगु दु ।
News Location:
