पेट्रोलियम पदार्थ हाकनं थिके जुल
न्हियान्हिंथं मदयेक मगाःगु ज्वलं मध्ये पेट्रोलियम पदार्थयात नं दुथ्याकातःगु दु । थथे न्हियान्हिथं हे मदयेक मगाःगु ज्वलं नं धायर धायर हे थिके जुइगुलिं जनता इतःमतः हे कने धुंकूगु दु ।
नेपाल आयल निगमया मंगलवाः च्वंगु मुँज्यां पेट्रोलियम पदार्थया मू थिकेयायेगु निर्णय याःगु खः ।
छुं ई तिनि न्ह्यः पेट्रोल प्रति लिटरय् नितका दां थिके यासें सच्छि व नीन्यातका अथेहे डिजेल व मचिकनय् छतका छतका दां थिकेयाःगु खः । आः हाकनं थनिनिसें हे लागु जुइकथं पेट्रोलय् न्यातका, डिजल व मचिकनय् स्वतका दां थिके याःगु दु । अथेहे हवाइ इन्धनय् धाःसा प्रतिलिटर न्हय्तका थिकेयाःगु दु ।
थुकथं थनिनिसें पेट्रोल प्रतिलिटर १३० तका अथेहे मचिकं व डिजल प्रति लिटर १०३ तका जूगु दु ।
लागत मू अप्वयावंगुलिं निगम द्यानाच्वनेमाःगु सहयाये मफुगुलिं बाध्य जुसें थिके यायेमाःगु प्रवक्ता शिवप्रसाद पुडासैनी धयादीगु दु । वय्कःया कथं १ अर्व ६२ करोड द्यायाच्वंगुलिं आः थ्व थिकेलिपा १ अर्व ३३ करोडजक जुइगु जानकारी बियादिल ।
