नेवाः हाइकु निलापौ
रामकुमार पाँडेया हाइकु
गन गन छँय्
छंगु छँय् थ्यनेधुंकाः
वँय् जुल छु याय् ?
मती तयाः नं
मनं स्वये फइमखु
मन हे माल ।
श्याम आशाया हाइकु
सर्ग जायेक
भुमिमा मखु गिद्ध
भ्वखाय ब्वल ।
तच्वःगु फसं
कुतुंवंगु सिमाहः
जीवन-मृत्यु ।
डा. आनन्द जोशीया हाइकु
दन, छं पःखाः
इमू नं पुलावन
कैद छ थःहे ।
फिं त्वपुल बुँ
म्वाय्मफु पुसाः न्हूदँ
धापय् थः, तुति ।
अशक्त म्ह, जि
विचात वल, सीत
गतिहीन लः ।
थौं जः अपांग
ख्युँ नं त्वपुल न्ह्यपु
अस्तव्यस्त जि ।
आलकोहिति
निरन्तर लःया धाः
आस्थाया तुतां
कृष्णभक्त बोडे श्रेष्ठया हाइकु
पौ ह्वःगंगु छँ
इखुचां व्दहांपिहां
स्वं दय्केत थें ।
खाइबसिमा
जनता न्हिथं त्वाक
सनत्रासि मस ।
बःसिमाया बुँ
छिपाया रंग द्बंथे
अतःमतः कं ।
क्यातुगु तुसि
थसपाया ग्वतुलि
झालय् सुचुका ।
Related Stories
नेवाः हाइकु निलापौ नेवाः हाइकु निलापौ नेवाः हाइकु निलापौ नेवाः हाइकु निलापौMore Stories Like this
मांया ख्वाः स्वये नेवाः हाइकु निलापौ नेवाः हाइकु निलापौ नेवाः हाइकु निलापौ नेवाः हाइकु निलापौ
