पश्चिमाञ्चलस्तरीय बृहत्त मिसा महोत्सव न्ह्यात
कृष्ण प्रजापती
स्थानीय दिदी बहिनी एफ. एम.या ग्वसालय् जूगु न्याक्वःगु पश्चिमाञ्चलस्तरीय बृहत्त मिसा महोत्सव नेपाल सरकारया युवा तथा पर्यटन, शान्ति तथा पुनस्थापना व संस्कृति मन्त्री रामकुमार श्रेष्ठं पर्वत जिल्लाया सदरमुकाम कुश्माय् छगू तःजिगु समारोहया दथुइ उलेज्या यानादिल ।
ज्याझ्वलय् वय्कलं काय् व म्ह्याय् बराबर खः धइगु तायेकाः लोक सेवा आयोगं मिस्तय्त आरक्षण व विशेष व्यवस्था यानाः थप रोजगार सिर्जना यानाच्वनागु खँ कनादिल । रेडियो दिदी बहिनीया अध्यक्ष कल्पना चापागाईंया सभापतित्वय् जूगु उगु महोत्सव उलेज्या समारोहय् प्रमुख जिल्ला अधिकारी उमेशकुमार ढकाल, स्थानीय विकास अधिकारी कृष्णप्रसाद लम्साल, सशस्त्र प्रहरी उपरिक्षक चित्रबहादुर केसी, प्रहरी उपरिक्षक श्यामप्रसाद अधिकारी, टाफिक प्रहरी प्रमुख विकास तिमिल्सिना, तनहुँया गुल्म प्रमुख राजु कार्की, ज्याथम्ह नागरिक बल्लब चापागाईं, दृष्टिबिहिनतय्त ब्वंकाच्वंगु जनता जनार्दन मावि, जिल्ला भू संरक्षक प्रमुख पुष्पराज थापा, जिल्ला वन अधिकृत सन्तमाया श्रेष्ठ, जिल्ला वरिष्ठ पशु विभाग अधिकृत डा. दर्ीघनाथ ढुंगाना, ब्रम्हकुमारी राजयोग केन्द्र, पर्यटन व्यवसायी व उद्योगपति शिव शर्मा पौडेल, समाजसेवी सुशिलादेवी गुरुंग, उद्योमि हरिमाया कुंवर, उद्योगपति विष्णुदेवी पौडेल व दिदी बहिनी एफ. एम.या स्टेशज म्यानेजर मय्जु योजना शर्मायात नं मूपाहाँ मन्त्री रामकुमार श्रेष्ठ हनेज्या यानादिल ।
ज्याझ्वलय् तीज म्ये कासा, टपरी सुयेगु कासा, थीथी उत्पादनया ब्वज्या, थीथी झाकी सहितया जुलुस प्रतियोगिता व कासात नं जूगु खः । महोत्सव स्वन्हुयंकं न्ह्याइ ।
