भारतयात बुकाः नेपाल साफ च्याम्पियनसिपया सेमिफाइनलय्

भारतयात बुकाः नेपाल साफ च्याम्पियनसिप फुटबलया सेमिफाइनलय् दुहां वंगु दु । समूह चरणया अन्तिम कासाय् भारतयात २–१ गोल अन्तरं पराजित याःगु नेपाल ७ अंकलिसे समूह ए या विजेता जूगु दु ।

भारतविरुद्ध नेपालं ७ दँ लिपा त्याःगु खः । थ्वया न्हयः २००६ य् जूगु एएफसी च्यालेन्ज कपय् नेपालं भारतयात बुकूगु खः । बुइधुंकाः नं भारत उपविजेता जुयाः अन्तिम चारय् दुहां वंगु दु ।

मेगु कासाय् पाकिस्तानं बंगलादेशयात पराजित याःसां हेड टु हेडय् भारत न्हापांगु चरणय् दुहांवंगु दु । भारत व पाकिस्तानया समान ४–४ अंक जूसां समूह चरणय् आत्मघाती गोलं यानाः बूगु वयागु लागि घातक सिद्ध जुल । पाकिस्तानलिसे बंगलादेश समूह चरणं पिहांवंगु दु ।

(किपा - गोल नेपाल)