बुंगद्यः थति त्वालय्

यलय् न्ह्यानाच्वंगु बुंगद्यः जात्रा थौं चान्हय् बौ बियाः बुंगद्यःया रथ बुंगद्यःया मां थाय् निचाः चाःहिइकाः थौं लगंख्यःपाखें सनिलया जःछि पाः न्याताः इलय् सालाः हयाः थति त्वालय् खुताः इलय् न्यां न्यायेकूगु दुसा थौं लगंख्यःया जःखः च्वंपिंसं छ्वय्ला भू हनिसा कन्हय् भुज्या न्यायेकी कन्हय् हे सनिलय् लैंक्याः कुर्कीगु ज्या नं जुइसा उगु लैंक्याः लानाः पान्जुयात ब्यूम्ह व्यक्तिं इहिपा धुंकाः काय् बुइ धइगु विश्वास यानातःगु दुसा कंस सुथय् याकः मिसाया भुज्या धकाः मिसातय्सं जक बुंगद्यः व चकाः द्यः सालाः हयाः इति त्वाःया प्यकाः लँय् तयेहइगु खः ।

अनं लिपा दिं स्वयाः तिनि जावलाख्यलय् द्यः सालाः यंकीगु खः । नेपाःया हे दकले ताःहाकःगु जात्राकथं कयातःगु थुगु बुंगद्यः जात्रा यलया पुच्वं सालाः हयाः गाःबहाः लुँहिति लगंख्यः थति त्वाः इति त्वाःपाखें यलया ज्यावलाख्यःसं थ्यंकाः प्यन्हुलिपा भोटो क्यनेधुंकाः उगु हे दिंसं बुंगय् यंकी ।

बुंगय् यंकूगुया प्यन्हुया दिंसं बुंगय् प्यन्हु बिचाः वनेगु याइ । थुकथं हे यलया बुंगल्द्यः जात्रा क्वचाइगु खः ।

More Stories Like this