साफ च्याम्पियनसिप फुटबलय् नेपाल त्यात

Posted on Sat Aug 31, 2013 10:56 pm NST

येँ सनिवाः सुरू जूगु साफ च्याम्पियनसिप फुटबलय् नेपालं न्हापांगु कासा त्याकूगु दु । उलेज्याझ्वः नापं सुरू जूगु न्हापांगु कासाय् नेपालं बंगलादेशयात बुकाः थःगु बिजयी सुरूवात याःगु खः । नेपालं बंगलादेशयात २–० गेालं बुकूगु खः ।

त्रिपुरेश्वरस्थित दशरथ रंगशालाय् जूगु कासाय् नेपालं कासा सुरू जूगु १८ औं मिनेटय् नेपालं न्हापांगु गेाल याःगु खः । भोला सिलवालया पासयात अनिल गुरुङं हेड याना गेाल यायेत ताःलाःगु खः । थ्व गेाल अन्तराष्ट्रिय फुटबलय् अनिलया च्यागूगु गेाल जूगु दु ।

कासाया ३१ औं मिनेटय् भरत खबासं निगूगु गोल याना नेपाःयात बल्लाकाब्यूगु खः । कासा ज्वःछि नेपालं बंगलादेशयात दबावय् तयातःगु खः ।

कासाय्र भरत खबास म्यान अफ दि म्याच घोषित जुल । नेपालं थैांया कासा त्याका एएफसी च्यालेन्ज कपय् २–० गेालं बुइमाःगु या बदला काःगु दु ।