असंया लँ इलय् हे दयेकेत महानगरपालिकाया ध्यानाकर्षण
येँ महानगरपालिकाया कार्यकारी अधिकृत लक्ष्मण अर्यालयात थौं कामपा ३०, २७ व २५ वडाया स्थानीय जनतां नाप लानाः असंनिसें केलत्वाःतक ल्वहतं सीगु ज्या याकनं क्वचायेकेत इनाप यासें ध्यानाकर्षण र्पा लःल्हाःगु दु । कामपा ३० वडाया पूर्ववडाध्यक्ष चिनियामान बज्राचार्य व नेवाः जागरण मञ्चया अध्यक्ष सुजीव बज्राचार्यया नेतृत्वय् वंगु प्रतिनिधि मण्डलं इन्द्रजात्रा छवाः न्ह्यः हे उगु लँय् ल्वहतं सीगु ज्या क्वचायेके मफत धाःसा उकिं जन आक्रोशया जिम्मेवारी स्वयम् महानगरपालिकाया जुइगु धाःगु दु ।
महानगरपालिकाया कार्यकारी प्रमुखयात लःल्हाःगु ध्यानाकर्षण पतिइ सच्छिं मल्याक स्थानीय जनतां ल्हाःचिं तयातःगु दु ।
ध्यानाकर्षण पतिइ येँ महानगरपालिका ३०, २७ व २५ वडा क्षेत्रय् च्वंगु असन, बालकुमारी, मच्छिन्द्र बहालतकया मूलँय् महानगरपालिकां ल्वहतं सीगु ज्या न्ह्याकूगुली लच्छिं मयाक्क न्ह्यःनिसें समस्या भोगय् यानाच्वंगु व येँयाःया यःसिं सालेगु व कुमारी खः सालेगु दिंतकं न्ह्यःने वयाच्वंगुलिं युद्धस्तरय् याकनं ज्या क्वचायेके माःगु धाःगु दु ।
लिसें लखौं लँजुवाःत न्यासि जुइगु असं केलत्वाः लँ ध्याचःदनाः लँजुवाःतय्त तसकं समस्या जुयाच्वंगु, उगु लागाया व्यवसायय् तकं थुकिं तसकं नकारात्मक लिच्वः लाकूगु धाःगु दु ।
ध्यानाकर्षण पतिइ महानगरपालिकां उगु ज्यायात गम्भीरतापूर्वक कयाः येँयाः न्ह्यः उगु ज्या क्वचायेकेगु निंतिं सम्बन्धित निकाययात आवश्यक निर्देशन बीत तकं इनाप याःगु दु ।
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
