बर्ड फ्लु जुयाः सुं नं मनू सीगु मदुनि

नेपालय् आःतक बर्ड फ्लु जुयाः सुं नं मनू मसीनिगु खँ धाःगु दु । कलेज अफ मेडिकल साइन्सेस टिचिङ अस्पतालय् सीपिं निम्ह मिसात बर्ड फ्लुया कारणं सीगु खः ला धकाः चर्चा परिचर्चा जुयाच्वंगु इलय् इपिं बर्डफ्लुया कारणं सीगु मखु धकाः स्वास्थ्य सेवा विभागया इपिडिमियोलोजी तथा रोग नियन्त्रण महाशाखां धाःगु दु ।

महाशाखा निर्देशक डा. जी डी ठाकुरं जारी याःगु विज्ञप्तिइ अस्पतालया प्रयोगशालाया लिच्वः कथं बर्ड फ्लुया विषाणु आःतक विरामीतय्‌के मलूगु व सीपिं निम्ह निमोनिया जुयाः सीगु खः धयातःगु दु ।