“लाय् मदुगु पसः, कलाः मदुगु ससः”या शुभ मुहुर्त

नेपालभाषाया छगू न्हूगु संकिपाया थौं छगू ज्याझ्वःया दथुइ शुभ मुहुर्त यात । रायण्डमलाइन प्रोडक्शनया न्हापांगु देछा नेपालभाषाया संकिपा “लाय् मदुगु पसः, कलाः मदुगु ससः”या शुभ मुहुर्त नांजाःम्ह कलाकार भृगुराम श्रेष्ठं क्ल्याप यासें यानादीगु खः ।

सनम कुमार श्रेष्ठया कथा व निर्देशनय् दयेकीगु थुगु संकिपाय् सविन वैद्य व प्रमिला मानन्धरपिनिगु मू भूमिका लिसें महन्तलाल मल्ल, अन्नपूर्णेश्वरी श्रेष्ठपिं दइगु प्रोडक्शनया दुजः विजय सिंह जानकारी बियादिल ।

थ्यंमथ्यं लच्छिया दुने सुटिङ्ग क्वचाइगु व नेपाल संवत् ११३४ न्हूदँया लसताय् स्वकुमिपिंथाय् थ्यकेगु तातुनागु नं सिंहं जानकारी बियादीगु दु ।

More Stories Like this