ताया: मचा: प्याखँ धेंधेंबल्ला क्वचाल

दँय्दसं न्ह्यानाच्वंगु तायाः मचाः महोत्सव धेंधेंबल्ला शनिवाः क्वचाःगु दु । नेवाः खलः कास्कीया आह्वान कथं गोपालजी मन्दिर सेवा समिति व रामकृष्ण टोलया मंकाः ग्वसालय् थुगु तायाः मचाः महोत्सव धेंधेंबल्ला जुगू खः । मुक्कं २५गू त्वाःया ब्वति दुगु उगु महोत्सव संस्कृतिक जगेर्ना यायेगु ताःतुना न्ह्यानाच्वंगु खः । थुगु तायाः मचाः प्याखँ सांगीतिक लय् व तालय् प्याखँ ल्हुइगु खःसा प्याखँनय् प्यम्ह परी व छम्ह जोकर दइगु खँ भाजु प्रकाश पालिखें नेपालमण्डलयात कनादीगु दु ।

मंगलदास माकजुया नायसुई न्ह्याःगु थुगु महोत्सवय् मुपाहाँ कथं नेवाः देय् दबूया नायः भाजु नरेश ताम्राकार, पाहाँ कथं प्रकाश पालिखे व देय् दबूया मूछ्याञ्जे रजनी मिलाया ब्‍वति दुगु खः ।

More Stories Like this