मदुपिनि लुमन्तिइ सापारु हन

वंगु दच्छिया दुने थः छेँजःपिं मदुपिनिगु नामं सा छ्वयेगु दिं थौं सापारु तःजिक हन । थौ वंगु दच्छि थः मदुपिनि नांमय् थौं नेवाःतय्सं स्वनिगः नाप नापं नेवातय् तःधंगु वस्ति दुगु थाय् भोँत, धौख्यः, पोखरा, बागलुङ आदि थासय् नं सायाः छ्वःगु खः ।

थ्व कुन्हु साया पलेसा कय्तापुजा मयाःनिम्ह मिजं मचायात साया रुप वयेक छाय्पिया देय् चाःहुइकेगु चलन नं दु । वयात मूलुखाय् थनाः पुजा यानाः देय् चाःहुइके यंकी । लिथ्यनकि हानं मूलुखाय् थनाः दुकायेत पुजा याइ । छ्यनय् पुयातःगु पिचा गणेद्यःयाथाय् छायेयंकाः सापारु क्वचायेकी चलन दु ।

अथहे गुलिखें थासय् सायाः नापं घिमेबाजं, बाछै बाजं थानाः, काहा पुयावइगु नं चलन दु । नापं मनूत निम्ह निम्ह जानाः निपा ल्हातं छकु निकु हाकःगु कथि ज्वनाः 'घिन्तां घिसि त्वाक्क'या बोलय् बाजं थाकाः कथिकासा म्हिता देय् चाःहुलीगु नं चलन दु ।

थुकुन्हु भगवन बुद्धं गया धाःथासय् बोधिवृक्षया क्वःय् फ्यतुना ध्यान याना क्लेशमा,र कृत्युमार व देवमार आदि विजय यानाबिज्याःगु न्हि खः । उकिं थौं चैत्य पुजाः व बहिद्यः दर्शन याना बुद्धयात आभार व्यक्त याःनिगु चलन दु ।

(किपा- अजय मानन्धर)