विम्बल्डन च्याम्पियनपाखें सन्यासया घोषणा

टेनिस कासापाखें सन्यास कयाः हाकनं कासा जीवनय् सक्रिय जुयाच्वंगु न्हूगु खँ मखु । थुकिया दसू कथं बेल्जियमया किम क्लाइजर्स, स्वीस कासामि मार्टिना हिंगिसयात कायेफु । तर न्हापांगु ग्राण्डस्लाम उपाधि कथं विम्बल्डन टेनिस त्याकूगु ४० न्हु लिपा २८ दँया फ्रेञ्च कासामि मारियो बार्तोलीं सन्यास कायेगु घोषणां धाःसा सकसितं अजूचायेका बिउगु दु । बिम्बल्डन च्याम्पियन मारियो बार्तोलीं चोटया हुनिं टेनिसपाखें सन्यासया घोषणा याःगु खः । विम्बल्डन च्याम्पियन वार्तोली थ्वस्वयां न्ह्यः २००७ या फाइनल तक थ्यंगु खः ।

च्यागूगु बरियताया कासामि वार्तोली वेस्टर्न एण्ड साउथर्न टेनिस कासाय् पराजीत लिपा ब्वह, जँया समस्याया हुनिं टेनिसयात निरन्तरता बीमफईगु खँ धयादीगु खः । कासाया निगूगु चरणय् सिमोन हलेपलिसे ३-६, ६-४ व ६-१ या सेटं बूगु खः ।

More Stories Like this