मरिचमान सिंह मन्त

पूर्वप्रधानमन्त्री मरिचमान सिंह श्रेष्ठ थौं चान्हय् सवा तीन बजे मन्त । स्वँया क्यान्सर जुयाच्वंम्ह वय्‌कःयात उपचारया लागि भारत हरियानास्थित मेदान्त मेडिसिटी अस्पतालय् भर्ना यानातःगु खःसा मंगलबार बहनी एयर एम्बुलेन्समार्फत नेपाः लित हःगु खः ।

त्रिभुवन अन्तराष्ट्रिय विमानस्थलय् वय्‌कःयात चान्हय् ११:४५ बजे हयाः १२ बजे नर्भिक अस्पताल भर्ना याःगु खः । उपचारया हे झ्वलय् नर्भिक अस्पतालय् वय्‌कः मदुगु खः । मदुम्ह श्रेष्ठया दाहसंस्कारया लागि न्हिनय् १ बजे पशुपति आर्यघाट यंकीगु धाःगु दु ।