टक्सार सेवा समाजया निक्वःगु दँमुज्याँ क्वचाल
टक्सार सेवा समाज भोजपुरया निक्वःगु दँमुज्याँ वंगु गुलाथ्व चतुर्थी कुन्हु यलया बालकुमारीइ क्वचाःगु दु ।
टक्सारया विकासया नितिं विशेष कथं ग्वाहालि यानादिपिं ८म्ह (टंक बहादुर श्रेष्ठ, सारदा श्रेष्ठ, ललित बहादुर हलुवाइ, गुल बदन हलुवाइ, बुधरत्न शाक्य, माया शाक्य, मोहन बदन ताम्राकार, जगत बहादुर शाक्य)यात नेपाल भाषा एकेडेमीया चान्सलर डा. सत्यमोहन जोशीपाखें सम्मान यायेगु ज्याझ्वः नं जुगू खः नापं ज्याझ्वलय् जंक्व धुंकःपिं ४५म्ह अजा अजिपिंत नं डा. जोशीं हनादीगु खः ।
अथेहे उगु ज्याझ्वं भाजु नरेश ताम्राकारया नायसुई १५म्ह ज्यासना पुचः नं पुन गठन जुगू खः । टक्सार सेवा समाज भोजपुरया नायः व नेवाः देय् दबूया नायः भाजु नरेश ताम्राकारया नायसुई न्ह्याःगु खः । ज्याझ्वलय् नेपाल भाषा एकेडेमीया चान्सलर डा सत्यमोहन जोशी मुपाहाँ कथं झायादीगु खः ।
