घुस काःम्ह पौडेलया विरुद्ध विशेषय् मुद्दा दायर
कवाडी ब्यापारीलिसे घुस कयाच्वंगु इलय् ज्वंम्ह प्रहरी नायव उपरीक्षक डिएसपी तेजेन्द्र पौडेल विरुद्ध विहिवाः विशेष अदालतय् मुद्दा दायर याःगु दु ।
अख्तियार दुरुपयोग अनुसन्धान आयोगं डिएसपी पौडेल विरुद्ध भ्रष्टाचार निवारण ऐनया दफा ३(१) व ३(१) (ख) कथं हदय् तक सजाँय बीगु कथं मुद्दा दायर याःगु खः ।
नेपाल कवाडी संघया नायः पञ्च तामांग लामालिसे साउन ११ गते कलंकी च्वंगु रामेछाप भोजनालयस स्वीन्याद्वः तका कयाच्वंगु इलय् आयोगया पुचलं पौडेलयात नियन्त्रणय् काःगु खः ।
घुस फ्वंगु उजुरी लायेवं आयोगं लामायात ३५ द्वः तका बियाछ्वःगु खः । घुस बियाच्वंगु इलय् डिएसपी पौडेलयात खानतलासी यायेवं आयोगपाखें उपलब्ध याकूगु ३५ द्वः तका बरामद यानाः पौडेलयात ज्वंगु खः ।
