आयोगपाखें सरकारयात प्रतिवेदन लःल्हात
निर्वाचन क्षेत्र निर्धारण आयोगं थःगु लिखित प्रतिवेदन विहिवाः सरकारयात लःल्हाःगु दु । थ्यंमथ्यं २०० पेज दुगु उगु प्रतिवेदनय् प्रत्यक्षपाखेया निर्वाचन क्षेत्र २४० गू हे जुइगु कथं सिफारिस याःगु दु ।
आयोगया नायः ताहिर अलि अन्सारी लिसेंया फुक्क प्रतिनीधित सिंहदरवारय् च्वंगु मन्त्रीपरिषदया ज्याकुथी वनाः मन्त्रीपरिषदया नायः खिलराज रेग्मीयात प्रतिवेदन लःल्हाःगु खः ।
प्रतिवेदन लःल्हाना कयादिसें नायः रेग्मीं इलय् हे प्रतिवेदन लःल्हाःगुलिं आयोगयात सुभाय् बियादीगु दु । वय्कलं प्रतिवेदन सुझबुझपूर्ण व औचित्यपूर्ण जुइगु विश्वास तकं प्वंकादिल ।
पुलांम्ह न्यायाधीस अन्सारीया अध्यक्षताय् विज्ञत दुथ्याःगु उगु समतिं क्वःछिनातःगु इलय् ज्या सिमधयेवं न्हापांखुसी १० न्हु व लिपा छवाः ई तंगु खः । अथेहे आयोगयात निर्वाचन क्षेत्र मतनेगु म्याण्डेट नं बियामतःगु खः ।
