ओबामां पुटिनलिसे नापमलाइगु

एडवर्ड स्नोडेनयात शरण बीगु रुसया क्वःछिनायात कयाः असन्तुष्ट जुयाच्वनादीम्ह अमेरिकी राष्ट्रपति बाराक ओबामां रुसया राष्ट्रपति भ्लादिमिर पुटिनलिसे नापलायेगु ज्याझ्वः रद्द याःगु दु । अथेखःसां राष्ट्रपति ओबामा 'जी २० इकोनोमिक टक'य् धाःसा ब्वतिकाइगु ह्वाइटहाउसं न्ह्यथंगु दु ।

अमेरिकाया गोप्य सूचं पितहःगु द्वपं लानाच्वंम्ह स्नोडेनयात रुसय् शरण बीगु क्वःछिनायात कयाः ओबामां दुःख प्वंकूगु दु । वय्कलं कानूनयात हाचांगायाः देशयात घात याःम्ह मनूयात कयाः याःगु क्वःछिनां सुं नं लय्तायेमफइगु धाःगु दु ।

अमेरिकी नागरिक स्नोडेनयात रुसं वंगु वालय् जक रुसय् दच्छिया नितिं राजनीतिक शरण बीगु धाःगु खः ।

स्नोडेनयात अमेरिकाया गोप्य ज्याझ्वःया विषयस विस्तृत विवरण पितहःगु द्वपं लानाच्वगु खः । स्वीदँ दुम्ह स्नोडेनयात अमेरिकाय् गम्भिर फौजदारी द्वपं बियातःगु खःसा अमेरिकां तःक्वःमछि इनाप याःसां नं रुसं स्नोडेनयात लःल्हायेत अस्वीकार याःगु खः ।

More Stories Like this