काश्मिरय् न्याम्ह भारतीय सैनिकया हत्या

भारत अधिनस्थ काश्मिरया छगू सैनिक चौकी पाकिस्तानी सैनिकं सोमवाः चान्हय् न्याम्ह भारतीय सैनिकयात स्याःगु भारतीय अधिकारीतसें न्ह्यथंगु दु । पाकिस्तानी सैनिकं प्रत्यक्ष कथं भारतीय सैनिक चौकी आक्रमण यानाः न्याम्ह भारतीय सैनिकतय्त स्यानाबिउगु वरिष्ठ सैनिक अधिकारीयात उद्दृत यासें एएफपी समाचार संस्थां न्ह्यथंगु दु ।

उगु आक्रमण प्रान्तीय राजधानी श्रीनगर स्वयां निसः किलोमिटर तापाक्क लाःगु क्षेत्रय् जूगु धाःगु दु । थुकियात सोमवाः चान्हय् हे भारतीय रक्षा मन्त्रालयं पुष्टि यायेधुंकूगु दु ।

पाकिस्तानं भारतलिसे हाकनं शान्ति वार्ताया प्रस्ताव तःगु छन्हु लिपा हे उकथंया आक्रमण जूगु खः ।

थ्वहे दथुइ पाकिस्तानं धाःसा पाकिस्तानी सैनिकपाखें भारतीय सैनिक स्याःगु समाचारयात अस्वीकार याःगु दु । पाकिस्तानी सैनिकं मंगलवाः छगू विज्ञप्ती पिथसें उगु हत्याया समाचारया खण्डन याःगु दु ।

More Stories Like this