चुनावी प्रकृया स्थगित यायेत माओवादी नेतृत्वया मोर्चाया माग
नेकपा माओवादी नेतृत्वया ३३ गू दलीय मोर्चां उच्चस्तरीय राजनीतिक समितियात मंसीर ४ गतेया चुनावी प्रकृया स्थगित यायेगु लिसें १८ गू बुँदाया माग याःगु दु ।
राजनीतिक समितिलिसे मंगलवाः च्वंगु न्हापांगु औपचारिक राजनीतिक वार्ताय् ३३ गू दलीय मोर्चां २५ गू बुँदा बाधा अड्काउ फुकाउ आदेश व राजनीतिक समिति खारेज, मंसीर ४ गतेया चुनावी प्रकृया स्थगित यायेगु व मंकाः सरकार दयेकेमाःगु माग न्ह्यब्वःगु दु । दल दथुइ सहमतिया विकल्प मदुगु धासें ३३ गू दलीय मोर्चां पूवंक समानुपातिक निर्वाचन प्रणाली अबलम्बन यायेमाःगु माग तःगु दु ।
थ्वहे झ्वलय् माओवादी नेतृत्वया ३३ गू दलीय मोर्चां नेपाः व भारत दथुइ जूगु राष्ट्रहीत अःखःया असमान सन्धि सम्झौता खारेज यायेत नं माग याःगु दु । अथेहे नागरिकता ऐन भिंकाः विदेशी आप्रवासीयात लक्षित यानाः नागरिकता बिउगु दावी यासें ३३ गू दलीय मोर्चां छानवीन यायेत व नागरिकताया लिधंसाय् जक मतदातातय्गु नां धलः दयेकेत नं माग याःगु दु ।
वार्ता लिपा एकीकृत नेकपा माओवादीया नेता नारायणकाजी श्रेष्ठ प्रकाशं २५गू बुँदा भिंकेफइगु खँ धयादीगु दु ।
