निःशर्त वार्ताय् च्वनेत बैद्य माओवादीयात पौ छ्वइगु
उच्चस्तरीय राजनीतिक समितिं नेकपा माओवादी लिसेंया नीन्यागू दलयात निःशर्त वार्ताय् च्वनेत हाकनं पौ छ्वइगु जूगु दु ।
बैद्य माओवादी नेतृत्वया नीन्यागू दलीय मोर्चा न्हापाया पतिइ "निक्वःगु संविधानसभा चुनावया नितिं" धइगु खँग्वःयात शर्तया कथं ब्याख्या यायेवं राजनीतिक समितिं चुनाव धइगु खँग्वः चीकाः मेगू पौ छ्वयेगु क्वःछिउगु खः ।
येँया न्हू बानेश्वरय् च्वंगु समितिया सचिवालयस शनिवाः च्वंगु राजनीतिक समितिया मुँज्या लिपा एकीकृत नेकपा माओवादीया नेता नारायणकाजी श्रेष्ठं उकथं पौ छ्वयेगु क्वःजिउगु धयादीगु दु ।
वैद्य माओवादीयात राजनीतिक समितिं स्वक्वः खुसी थुगु पौ छ्वयेत्यंगु खः । थ्वस्वयां न्ह्यः राजनीतिक समितिं निक्वः तक पौ छ्वयेधुंकूगु दु ।
नीन्यागू दलीय मोर्चां नकतिनि हे जक राजनीतिक समितियात छ्वःगु लिसःपतिइ "निक्वःगु संविधानसभाया चुनावया नितिं" धइगु शर्त तःगु व ३३ गू दलीय धकाः चर्चाय् वःगु धकाः सामान्य शिष्टाचार तकं पालना मयाःगु धासें आपत्ति प्वंकूगु खः ।
