संघीय समाजवादी व लिम्बुवान राज्यपरिषद दथुइ एकता
अशोक राई नेतृत्वया संघीय समाजवादी पार्टी व लोक सागर सम्बा नेतृत्वया मञ्च सम्बद्ध 'लिम्बुवान राज्यपरिषद' दथुइ शनिवाः धरानय् पार्टी एकता जूगु दु ।
धरानया भानुचोकय् राय्ली पिथसें धरान सभागृह थ्यंकाः पार्टी एकता जूगु घोषणा याःगु खः । पार्टी एकता घोषणा ज्याझ्वलय् संघीय समाजवादीया नेता रकम चेम्जोंग व रिजवान अन्सारीया उपस्थिति दुगु खः ।
कुमार लिंगदेन नेतृत्वया संघीय लिम्बुवान राज्य परिषदपाखें अलग जूगु सम्बाया पुचः संघीय समाजवादीइ समाहित जूगु दु । थुगु दलय् आबद्ध जूगु सम्बायात संघीय समाजवादीं केन्द्रीय दुजः दयेकीगु सीदुगु दु ।
कुमार लिंगदेन नेतृत्वया संघीय लिम्बुवान राज्य परिषद थ्व इलय् मोहन बैद्य नेतृत्वया ३३ गू दलीय मोर्चाय् आबद्ध जुयाच्वंगु दु ।
