"वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
नेवाः राजनीतिक अभियानया ग्वसालय् शनिवाः येँय् "वर्तमान राजनीतिक सन्दर्भय् नेवाः स्वायत्त राज्य" विषयस छगू गोष्ठी जुल ।
अभियानया नायः डा. महेशमान श्रेष्ठया सभाध्यक्षताय् जूगु उगु ज्याझ्वलय् संघीय समाजवादी पार्टीया प्रा. डा. मंगलसिद्धि मानन्धर व नेपाः राष्ट्रिय पार्टीया नायः डा. केशवमान शाक्यं उगु विषयस ज्यापौ न्ह्यब्वयादीगु खः । उगु ज्यापौयात कयाः नेवाः न्ह्यलुवाः मल्ल के. सुन्दर व नेकपा माओवादीया केन्द्रीय दुजः पवनमान श्रेष्ठं टिप्पणी यानादीगु खः ।
ज्याझ्वलय् ज्यापौ व टिप्पणीयात कयाः डा. पुष्पराज राजकर्णिकारं सार न्ह्यब्वयादीगु खःसा नेपाः राष्ट्रिय पार्टीया पुलांम्ह सभासद बुद्ध साय्मि, किरण शाक्य, सुरेश किरण मानन्धर, डा. विजय सैंजु, नेवाः जागरण मञ्चया विजयकृष्ण स्यस्यः आदिपिन्सं ज्यापौ व टिप्पणीयात कयाः थःथःगु नुगः खँ प्वंकादीगु खः । उकियात कयाः ज्यापौ न्ह्यब्वयादीपिं प्रा. डा. मंगवर्तमान राजनीतिक संन्दर्भय् नेवाः स्वायत्त राज्य सम्बन्धि गोष्ठीलसिद्धि मानन्धर व नेरापाया नायः केशवमान शाक्यं लिसः बियादीगु खः ।
त्रिरत्नपाखें सहजीकरणया भूमिका म्हितादीगु उगु ज्याझ्वलय् नेवाः जागरण मञ्चया नायः सुजीव बज्राचार्यं सुभाय् देछायादीगु खः । ज्याझ्वलय् आपालं नेपालभाषा ह्यःमिपिनिगु उपस्थिति दुगु खः ।
More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि प्यंगु दः मंकाः समाजया तःमुँज्या क्वचाल
