प्यंगु दः मंकाः समाजया तःमुँज्या क्वचाल

सिल्पकार समाज, बाराही समाज, सिकर्मी समाज, ताम्रामार समाज व राजकर्णिकार समुदायया मंका समाज कथं नीस्वनाः तःगु प्यंगु दः मंकाः समाजया तःमुज्या क्वचाल ।

थःगु हकहित व अधिकारया निंतिं युवा वर्गतय्त प्रशिक्षण बिइगु व शिप अभिबृद्धि यायेगु तातुना नीस्वंगु थुगु समाजं निदँय् छक्व थःगु तःमुँज्या यानाः वयाच्वंगु दु । रोल कथं थुगु दँ सिल्पकार समाजया नायः मोतीलाल सिल्पकारया नायसुई तःमुँज्या न्ह्याःगु खः । तःमुँज्यां मेगू निदँया निंतिं बाराही समाजया नायः रामकृष्ण बाराहीयात पाहा लःल्हाःगु खः ।

विश्वकर्मा महाविहार डोम्बहालय् जुगू उगु ज्याझ्वलय् पाहाँ कथं झायादिम्ह नेवाः देय् दबूया नायः नरेश ताम्राकारं तःमुँज्याया उलेज्या यानादीगु खः ।

More Stories Like this