निर्वाचनयात कयाः राष्ट्रपतिपाखें चिउताः
राष्ट्रपति डा. रामवरण यादव व एकीकृत नेकपा माओवादीया नायः पुष्पकमल दाहाल प्रचण्ड नापलानाः सहलह ब्याकूगु दु ।
राष्ट्रपतिया ज्याकू शीतल निवासय् विहिवाः नापलायेगु झ्वलय् राष्ट्रपति डा. यादवं निर्वाचन प्रकृयाय् थौंतक जूगु प्रगतिया विषयस नायः प्रचण्डलिसे चिउताः प्वंकादीगु खः । दलया निर्वाचन तयारी, निर्वाचन प्रकृयाया विरोधय् दुगु राजनीतिक दललिसेया वार्ता व सम्वादया विषयस तकं राष्ट्रपति डा. यादवं चिउताः प्वंकादीगु नायः प्रचण्डया सहयोगी शिव खकुरेलं जानकारी बियादिल ।
राष्ट्रपतिया जिज्ञासाय् नायः प्रचण्डं प्यंगू राजनीतिक दललिसें मेमेग राजनीतिक दल निर्वाचन प्रकृयाय् इमान्दार जुयाः न्ह्याःवनाच्वंगु व देशव्यापी अभियानय् केन्द्रीत जुइधुंकूगु जानकारी याकादीगु खः ।
