असुरक्षित जूगु धासें गुप्तापाखें मानवअधिकार उच्चायुक्तयात पौ
तराई मधेश राष्ट्रिय अभियानया सयोजक जेपि गुप्तां थः असुरक्षित जूगु धासें राष्ट्रिय मानव अधिकार उच्चायुक्त नाभि पिन्लेयात सुरक्षाया नितिं पौ छ्वयादीगु दु ।
चुनाव स्यंकेगु षडयन्त्र यानाच्वंगु धासें सरकारं थःत निगरानीइ तयेवं गुप्तां राज्यं थः विरुद्ध षडयन्त्र याःगु दावी यासें पिन्लेयात विहिवाः पौ छ्वयादीगु खः ।
वय्कलं सरकारया उच्च अधिकारीत दुथ्याःगु मुँज्यां हे थुकथंया निष्कर्ष पिकाःगुलिं सरकारलिसे सुरक्षा फ्वनेगुया औचित्य मदुगु धयादिसें राष्ट्रिय मानव अधिकार आयोग नं निरपेक्ष जूगु द्वपं बियादीगु दु ।
पतिइ गुप्तां निगरानी तयेगु सरकारया थुगु पलाखं थःगु स्वतन्त्रपूर्वक जुइगु व सम्मानजनक जीवनयापन यायेगु थें जाःगु मौलिक अधिकार लाकाकाःगु द्वपं बियादिल ।
थ्वस्वयां न्ह्यः स्वंगू हे सुरक्षा निकायलिसेंया अधिकारीतय्गु मुँज्यां गुप्ता, वैद्य माओवादी, पूर्व लडाकु व पूर्व जुजुवादीं चुनाव स्यंकेगु षडयन्त्र याःगु क्वःछिउसें निर्वाचन विरोधी व ध्वंसात्मक योजना न्हापां निस्तेज यायगु रणनीति दयेकूगु खः ।
