यू-१६ च्याम्पियनशीप उपाधिया नितिं नेपालं भारतलिसे म्हितीगु

साफ यू १६ च्याम्पियनशीप फुटबलया उपाधिया नितिं नेपालं भारतलिसे धेंधेंबल्ला याइगु जूगु दु ।

येँया दशरथ रंगशालाय् आइतवाः जूगु निगूगु सेमीफाइनल कासाय् अफगानिस्तानयात स्वंंगूया विरुद्ध प्यंगू गोलं बुकूसें भारत फाइनलय् दुहांवंगु खः ।

कासाय् क्वःछिनातःगु ईया दुने निखेरं गोल मजुइवं ट्राइबेकरपाखें निर्णय कायेमाःगु खः । भारतया कृष्ण पण्डितं गोलपोष्टं पिने थ्वाःगु खःसा अफगानिस्तानया शहिद व रिहाजीं गोल यायेमफूगु खः ।

नेपाः म्हिगः शनिवाः जूग कासाय् बंगलादेशयात छगूया विरुद्ध न्यागू गोलं बुकाः फाइनलय् दुहां वनेधुंकूगु दु ।

More Stories Like this