स्पेनय् जूगु रेल दुर्घटनाय् ७७ म्ह सित
स्पेनया सान्टियागो डे कोम्पोस्टेला शहरया पिने गालिसिया क्षेत्रय् बुधवाः चान्हय् जूगु छगू रेल दुर्घटनाय् लानाः म्होतिं ७७ म्ह सीगु दु । उगु दुर्घटनाय् मेपिं १४३ म्ह मनूत घाःपाः जूगु अधिकारीतसें विहिवाः न्ह्यथंगु दु ।
दुर्घटना जूगु उगु रेलपाखें ७३ म्हेसिगु सीम्ह तत्काल हे लिकाःगु खःसा ४ म्हेसिगु अस्पतालय् वासः यायेगु झ्वलय् सीगु खः ।
उत्तर पश्चिम क्षेत्र गालिसियाया सान्टियागो डे कोम्पोस्टेला स्टेशनपाखे उच्चगतिइ वःगु उगु रेल अकस्तमात लिगं पिहांवनाः दुर्घटना जूगु खःसा उगु रेलय् कर्मचारीतलिसें २१८ म्ह यात्रुत च्वनावनाच्वंगु समाचारय् न्ह्यथनातःगु दु ।
उगु रेल दुर्घटना लिपा तसकं सः पिहांवःगु प्रत्यक्षदर्शीतसें धाःगु दु ।
More Stories Like this
चिकंया भाः कुहां वनाः ऋणात्मक बेलायतं चीनपाखें न्याःगु टेस्टिङ किटं ज्या मबिल बेलायतया प्रम बोरिस जोन्सन आइसीयूलय् अमेरिकाय् २ लाख ४० हजारतक सिइफुगु व्हाइट हाउसया अनुमान सामाजिक दूरी अवज्ञा याःपिन्त सिंगापुरय् खुलातक जेल
