ज्याहे मयासें आयोगया ई क्वचाल
सरकारं दयेकूगु निर्वाचन क्षेत्र निर्धारण आयोगया र्ई ज्या हे मयासें क्वचाइगु जूगु दु । सरकारं वंगु जेठ ३० गते चुनावया तिथि घोषणाया नापनापं पुलांम्ह न्यायाधिस ताहिर अलि अन्सारीया अध्यक्षताय् उगु आयोग दयेकूगु खः । आयोगया दुजःतसें आयोग दयेकूगु १२ न्हु लिपातिनि सपथ ग्रहण याःगु खः ।
आयोगपाखें ज्या हे मजूसें ई क्वचायेत्यंगुलिं आयोगं १५ न्हुया ई तनेत सरकारयात निवेदन बिउगु दु । आयोगया ई क्वचायेत्यंसां नं आःतक क्षेत्र निर्धारणया ज्या जुइफूगु मदुनिसा गुलिखे संवैधानिक व राजनीतिक जटिलता दुगुलिं ज्या यायेत समस्या जूगु आयोगया पदाधिकारीतसें न्ह्यथंगु दु । संविधानय् तराइलय् अप्वःगु जनसंख्या कथं निर्वाचन क्षेत्र तनेगु धाःसां नं २४० गू स्वयां अप्वः क्षेत्र दयेके मजिउगु जूगुलिं आयोगयात समस्या जूगु खः ।
थ्वहे झ्वलय् कन्हय् विहिवाः च्वनीगु मन्त्रीपरिषदया मुँज्याय् आयोगया खँय् सहलह यायेगु नापं आयोगया मागकथं १५ न्हुया ई तनेगु नितिं तयारी यानाच्वंगु सीदुगु दु ।
