रामशेखरया व्यक्तित्व व कृतित्वयात कयाः विचार गोष्ठी

झी कलाकार रामशेखर नकःमि हना ज्याझ्वः समितिया गोष्ठी ग्वसाः उपसमितिया ग्वसालय् थनया सातोआकी भवनय् छगू बृहत विचाः मुँज्या जूगु दु । हनेबहःम्ह निबन्धकार, साहित्यकार तेजेश्वरबाबु ग्वंगःजुं च्वयादीगु “पलंपौ – ख्यालिगुलु रामशेखरया” विषयया ज्यापौयात कयाः छगू विचाः मुँज्या जूगु खः । रामशेखर नकःमिया व्यक्तित्व व कृतित्वयात कयाः न्ह्यब्वःगु उगु ज्यापौयात कयाः प्रा. प्रेमशान्ति तुलाधरं टिप्पणी यानादीगु खः । स्रष्टा रामशेखर नकःमि हे मूपाहाँकथं झायादीगु उगु विचाः मुँज्याय् वय्कलं थथे थःम्हेसियागु विषयस जूगु विचाः गोष्ठी थःहे मूपाहाँ खनाः नुगः लसतां जायाच्वंगु खँ कनादिल ।

ज्याझ्वलय् गोष्ठी सकलसित ग्वसाः उपसमितिया संयोजक नवीन चित्रकारं लसकुस यानादिसें गोष्ठीया उद्देश्यबारे खँ कनादीगु खः । झी कलाकार रामशेखर नकःमि हना ज्याझ्वः समितिया कजि राजेन्द्रमान शाक्यया सभानायःसुइ जूगु विचाः मुँज्याय् ध्रुव मधिकर्मी, शशीकला मानन्धर, सौरभ शाक्य, श्रीराम श्रेष्ठ, तुयू पुं, विमल ताम्राकार, गणेश साय्मि, सुदन खुसःपिसं ज्यापौयात थःथःगु खँ तयादीगु खःसा ज्याझ्वलय् ग्वसाः खलःया ल्यू कजि विजयरत्न असंबरें विचाः गोष्ठीया ¥यापोर्टिंग न्ह्यब्वयादीगु खः ।

More Stories Like this