एकल नेतृत्वय् वनेगु प्रचण्डया प्रस्ताव पारित
एकीकृत नेकपा माओवादीं एकल नेतृत्वय् वनेगु नायः पुष्पकमल दाहाल प्रचण्डया सांगठनिक प्रस्ताव सर्वसम्मतिं पारित याःगु दु । यलय् जुयाच्वंगु माओवादीया विस्तारित मुँज्यां नायः प्रचण्डया एकल नेतृत्व सम्बन्धि संगठनात्मक प्रस्ताव पारित याःगु खः ।
कार्यविभाजनया विवाद ज्यंकेगु धासें म्हीगः शुक्रवाः न्ह्याःगु विस्तारित मुँज्यां तत्कालया नितिं नायः बाहेकया मेगू फुक्क पदाधिकारी चीकेगु क्वःछिउगु खः । नायः प्रचण्डया एकल नेतृत्व सम्बन्धि संगठनात्मक प्रस्तावय् सहलहया नितिं दयेकूगु १६ गू पुचलं समर्थन याःगु दु ।
नायः प्रस्तावया कथं न्वकू नारायणकाजी श्रेष्ठ प्रकाश व मूछ्याञ्जे पोष्ट बहादुर बोगटीं म्हिगः शनिवाः हे थःथःगु पदपाखें राजीनामा बियादीधुंकूगु दु ।
यलय् च्वंगु खन्ना गार्मेण्टय् न्ह्यानाच्वंगु मुँज्याय् नायः प्रचण्डं थःगु प्रतिवेदनयात कयाः तःगु न्ह्यसःया लिसः बीधुंकाः वय्कलं तयादीगु प्रस्ताव सर्वसम्मतं पारीत जूगु प्रवक्ता अग्नी सापकोटां जानकारी बियादीगु दु ।
