नेपालभाषा परिषद्य् चित्तधर स्मृती संग्रहालय
कविकेशरी चित्तधर 'हृदय'या छेँ वय्कया स्मृति संग्रहालय दयेकूगु दु । सञ्चरबार सुथंय् छगू ज्याझ्वःया दथुइ संस्कृतिमन्त्री ऋद्धिबाबा प्रधानं स्मृति संग्रहालयया उलेज्या यानादीगु ख:। उलेज्याझ्वः लिपा संग्राहलय विधिवत् रूपं चाःगु खः । नेपालभाषा परिषद्या नायः फनिन्द्ररत्न बज्राचार्यया सभापतित्वय् जूगु उलेज्याझ्वललय् संस्कृतिविद् लिसें नेपालभाषा एकेडेमीया चान्सलर सत्यमोहन जोशी, भारतीय राजदूतावासया फर्ष्ट सेक्रेटरी अभय कुमार नं झायादीगु खः ।
म्यूजियमय् न्हापा चित्तधर 'हृदयं' छ्यलादीगु थीथी हलंज्वलं लिसें वयक:लिसे सम्बन्धीत थीथी वस्तु ब्वयात:गु दु । म्यूजियम विशेषज्ञ जलकृष्ण श्रेष्ठया व्यवस्थापनय् चित्तधर स्मृति संग्रहालय तयार जूगु ख:।
न्हापा चित्तधर 'हृदय' लिसें थीथी नामं थीथी विधाय् च्वसा न्ह्याकादीम्ह चित्तधर तुलाधरं न्यतय् च्वंगु थ:गु छेँ नेपालभाषा परिषदया नामय् देछायादीगु ख:। वयक:या केहेँ मोतिलक्ष्मी उपासिका मदय्धुंका: थुगु छेँय् नेपालभाषा परिषद च्वनावयाच्वंगु दु। उगु हे छेँय् आ: चित्तधर 'हृदय'या म्यूजियम चाय्कूगु ख:। म्यूजियमय् मोतिलक्ष्मी उपासिकालिसें सम्बन्धित छुंछुं हलंज्वलं नं ब्वयात:गु दु।
News Location:
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
