सुदर्शन राजोपाध्याययात पश्चिम बंगाल सरकारपाखें सिरपा

सरोदवादक सुदर्शन राजोपाध्याययात बंगाल सरकारं संगीत मञ्जरी अवार्ड बिइगु घोषणा याःगु दु। राजोपाध्याय नकतिनि भारतया पश्चिम बंगालय् सांगीतिक यात्रा यानादिसें कलकत्ता, अगरहाला व त्रिपुराया स्रोतायात सरोद थाना दिया सुदर्शनं थके दुगु प्रतिभा भारतीय संगीत परखीया दथुइ न्हयब्वयादी गु ख।

थुगुसिया संगीत यात्राय् अगरशालाया सुर संगीत म्युजिक एकेडेमी व पासापिनिगु ब्वना सुदर्शनया सागितिक ज्याझव अन जुगु ख। सुदर्शनयात प्रस्तुतिका लागि बंगालया हे कलाकारं तबला वादनय् साथ ब्यूगु ख:। आः याकन हे सुदर्शनया सरोद वादन राजस्थानय् जुइत्यंगु दु।
भारतया प्रयाग संगीत महाविद्यायलं संगीतय् स्नातकोत्तर तह क्वचायेका: दिम्ह सुदर्शनं थन वरिष्ठ सरोदवादक मोहन सुन्दर श्रेष्ठयाके स्यनादीगु ख।

More Stories Like this