नेकपाया संस्थापक नेता अस्पतालय्
नेपाल कम्यूनिष्ट पार्टीया संस्थापक नेता नरबहादुर कर्माचार्यया उसाँय् मदया अस्पताल भर्ना जुयादीगु दु ।
म्हासु ल्वय् अर्थात जण्डिस जुइवं कर्माचार्ययात छुं दिं न्ह्यः स्वास्थ्य परिक्षण यानाः वासः यायेगु नितिं अस्पताल भर्ना याःगु खः । येँया मोडल अस्पताल भर्ना जुयादीम्ह कर्माचार्यया वासः डा. विजेन्द्रध्वज जोशी, डा. सरोज धिताललिसेंया डाक्टरतसें यानाच्वंगु दु ।
कर्माचार्यया उसाँय् बांलाना वयाच्वंगु पारिवारिक श्रोतं न्ह्यथंगु दु । ९० दँ दुम्ह कर्माचार्य नेपाल कम्यूनिष्ट पार्टीया छम्ह जक म्वानाच्वंम्ह संस्थापक नेता खः ।
