कुश्माय् हेलिकप्टरया आकस्मिक अवतरण
डोल्पां येँया नितिं ब्वःगु हेलिकप्टर पर्वतया सदरमुकाम कुश्माबजारय् आकस्मिक अवतरण याःगु दु । मौसमया खराबीया हुनिं श्री एअरलाइन्सया हेलिकप्टर मंगलवाः सुथसिया १० ताः इलय् सदरमुकामय् च्वंगु चण्डिका सशस्त्र प्रहरी गणय् आकस्मिक अवतरण याःगु खः । हेलिकप्टरय् चालक दललिसें खुम्ह नेपाःमित दुगु खः ।
पोखराय् इन्धन तयाः येँ वनेगु तयारीइ दुगु उगु हेलिकप्टर अचानक मौसमय् खराबी वयेवं कुश्माय् अवतरण याःगु खः । उगु हेलिकप्टर सोमवाः चार्टड यानाः डोल्पा यंकूगु खः । आः पर्वतय् तसकं वाः वयाच्वंगु नापं ख्वातुक्क खसु वयाच्वंगु दु ।(रासस)
